Raisonao, ry Tompo soa
 Izato asan-tananay
 Fa nomenao avokoa
 Izay rehetra anananay
 Simba izahay rehetra
 Sady very hatrizay
 Nefa soa tsy misy fetra
 No navalinao anay

 Hianao nanetry tena
 Tsy nitandro henatra
 Be fiantra ka onena
 Ny tra-pahoriana
 Mba tsarovanay izany
 Koa dia tahafinay
 Nefa fiasana ihany
 Ao an-tananao izahay

 Arosoy sy ampitaro
 Aminay ny teninao
 Hazavao ny olo-maro
 Izay tsy mahalala Anao!
 Ny misaona mba vangio
 Ny kamboty inatrao
 Izahay izay taonga anio
 Mba ataovy irakao

 Eny, ry Mpamonjy tsara
 Amboary izahay
 Mba ho tonga mpanambara
 Ny fitianao anay
 Ary dia mba tahio
 Izato fikambananay
 Hafanao, ampirisiho
 Hamasino izahay

Mel : William Howard Doane 1871 [PRECIOUS NAME]
Text: Lydia Odell Baxter 1870 "Take The Name Of Jesus With You"
MG  : "Raisonao, ry Tompo soa"
Web : http://www.liederschatz.net